-- ADVERTISEMENT --
Pabor si Department of Public Works and Highways (DPWH) Secretary Vince Dizon nga buhinan ang P268.3 billion nga pondo sang ahensya sa flood control projects para sa masunod nga tuig.
Suno kay Dizon, dapat lamang ini nga buhinan agud indi mabutang sa ital-ital ang iban pa nga mga lugar nga nagakinahanglan sang proyekto.
Ginhighlight mans ang tiglikom nga madamo ang kinahanglan nga kay-uhon kag tinluan sa mga flood control projects sang nagliligad nga mga tinuig.
Nagapati si Dizon nga dapat makaangkon sang dako nga pagnubo sa budget sang flood control agud mapanas ang mga kwestiyonable nga proyekto.
Naghingyo naman si Dizon sa Kamara nga sila ang hatagan sang nagakaigo nga oras agud makay-o ang ila proposed 2026 budget.
-- ADVERTISEMENT --
