Gindesignar na bilang bag-o nga Officer in Charge sang Public Employment Service Office si Dr Frances Mae Llamas bilang bulos sa nagresign nga si Atty Pacifico Maghari III.
Suno kay Llamas, Nobyembre 7 sang nabaton sini ang memorandum gikan kay Bacolod City Mayor Alfredo Albee Benitez sa pagdesignar sa iya sa pwesto.
Suno diri, unahon sini nga itrabaho ang mamintinar ang commitment sang PESO sa trabaho sini kasubong man ang pagpasa sang mga dokumento para sa sweldo sang mga empleyado.
Luyag man sini nga I-revisit ang status sang PESO sa scholarship program kag pagtutok sa mga job fair sang cuidad.
Pahayag ni Llamas, isa sa nakita sini nga problema amo ang skills gap sang mga aplikante sa mga gina-applyan nga trabaho rason kun ngaa madamo sang wala naga-qualify nga mapasulod.
Gani luyag sini nga magkoordinar sa Technical Education and Skills Development Authority (TESDA) nga suno diri luyag man nila nga mabuligan ang mga aplikante kag magpatigayon sang skills inventory.
Isa pa gid sa problema nga nakita sini amo ang language proficiency gani nakig-angot ini sa Department of Science and Technology (DOST) para sa libre nga language proficiency program.
