Magaretiro si Dr. Renante Decena bilang provincial veterinarian subong nga adlaw nga nagapasalamat sa iya kontribusyon sa provincial government sa sulod sang 26 ka tuig.
Malipayon ini bangud ginasaligan ini sang gobernador kag ni Provincial Administrator Atty. Rayfrando Diaz.
Suno diri, nagapasalamat ini sa maayo nga working relationship sa matag-as nga opisyal sang probinsya kag sa pagsalig nga ginhatag sa iya sa sulod sang masobra 20 ka tuig.
Isa ka valuable lesson sa kabuhi nga ginaapply ni Decena amo ang pagtrabaho sang maayo agud nga makacontribute sa organisasyon kag mangin malipayon sa kabuhi.
Suno diri, napaambit niya ang mga talent kag skills sa kaupod nga mga empleyado bangud nakahibalo ang mga ini kun ano ang himuon kun sila ang nabilin.
Ang mangin acting veterinarian nga si Dr. Placida Alemana ang kaupod ni Decena sa sulod sang 26 anyos kag iya ginpanugyanan nga ipakita nga worthy ini sa otoridad nga ginhatag sa iya kag magtuon nga magdesisyon sa mga butang nga nagaapekto sa kabuhi sang mga sapat kag mga tawo.
Mas maayo man suno kay Decena kun may maayo nga communication skills ang isa ka provincial veterinarian sa iban nga departament head, mga kliyente kag mga partner sa kaangay nga industriya.
Nagpasalamat naman si Provincial Veterinarian Dr. Renante Decena sa Bombo Radyo sa pagbulig sa Provincial Veterinary Office sa pagpalapnag sang ila mga programa sa sulod sang malawig nga tinuig.
Sa interview sang Bombo Radyo kay Decena, nangin provincial veterinarian ini bangud ang tanan nga mga issues ang napalab-ot sang PVO sa mga pumuluyo paagi sa Bombo Radyo bangud bisan ang yara sa putok-putukan sang kabukiran ang makabati.
