-- ADVERTISEMENT --
Ginpakigbahin sang celebrity host nga si Drew Arellano nga nagpaidalom ini sa vasectomy subong nga semana.
Sa isa ka Instagram, ginpost ni Drew ang laragway nga nagasuksok siya sang hospital gown antes ang iya nga minor operation.
Ginpahayag ni Drew nga nadesisyunan niya ini bilang espesyal nga regalo sa iya asawa nga si Iya Villania para sa palaabuton nga Mother’s Day.
Nahibaluan nga masami nga nagabusong si Iya kag nagdangat na sa lima ang ila nga mga kabataan ni Drew nga sanday Primo, Leon, Alana, Astro kag Anya.
Gindayaw ang TV host halin sa iya mga fans kag mga kakilala sa entertainment industry bangud sang iya desisyon kag sa pag-promote sang family planning.
-- ADVERTISEMENT --
