-- ADVERTISEMENT --
Lunsay pilason ang driver kag 12 ka mga pasahero matapos matumba ang isa ka elf truck sa kampo sa Barangay Matab-ang, Talisay City pasado alas 10:00, Biyernes sang gab-i.
Papauli na kuntani sa Barangay Bagtic sa Silay City ang nasambit nga elf truck nagikan sa Hacienda Manaloto.
Sa interview sang Bombo Radyo kay Nelson Cioco, isa sa mga pasahero, hinali lamang nga nagliko ang karo nga ginasundan sang truck kag nagsugata sa ila rason kun ngaa natumba ini.
Gilayon naman nga nagresponde ang mga otoridad agud madapatan sang nagakaigo nga pagbulong ang mga napilasan.
Yara sa karun sa kustodiya sang Talisay City Police Station ang driver.
-- ADVERTISEMENT --
