Napilas ang baba sang driver sang jeep nga nagabiyahe Handumanan-Libertad matapos nga ginpakal sang bato sang gintapi sini ang kutsilyo matapos nga ini ang gintuyo nga bun-on sa bahin sang Purok Kabugwason, Barangay Mansilingan, Bacolod City subong nga hapon.
Ginpasibangdan sang isa sa mga suspek nga kulang ang ginsensilyo sa iya pamasahe.
Ginpaathagan man ini sang driver nga indi siya ang nagapanukot sang pamasahe kag nagasensilyo bangud may yara sang lain nga nagapanukot sa terminal.
Sang nagpanaog na ang isa sa mga suspect may yara sang tatlo ka mga pamatan-on nga naghaboy sang balas sa front seat, ginsumbag kag ginbuno ang driver.
Maswerte nga nalikaw, nakuha kag gintago ang kutsilyo gani wala ini napuruhan ang driver.
Ang driver ang gindala sa Barangay Hall sang Barangay Handumanan agud madressingan ang pilas sini.
Nagresponde naman ang katapo sang Bacolod Police Station 7 agud maimbestigaran ang insidente.
Mabatian sa background ang tingog ni Bombo Mia Mae Francisco
