Yara na sa talatapan sang Bacolod Traffic Authority Office (BTAO) ang salakyan nga ginmaneho sang driver nga nang-middle finger.
Madasig nga naglapta sa social media ang litrato sang isa ka driver sang salakyan nga may pangalan kag picture ni Mayor Alfredo ‘Albee’ Benitez ang nagpakita sang middle finger.
Sa interview sang Bombo Radyo Bacolod kay BTAO deputy head Jose Antonio “Jojo” Robello, nakalab-ot na sa alkalde ang picture kag ginmanduan sini ang City Legal Office nga iretrieve ang salakyan kag i-turn over sa BTAO.
Ang salakyan ang gingamit sadto ni Benitez sang ini ang nangampanya kag ginhatag sini sa youth ang salakyan agud nga gamiton bilang service apang ginhulam sang Bacolod Yuhum Foundation.
Paathag Robello, ang driver ang wala nagatrabaho sa Bacolod City Government.
Pahayag ni Robello, indi nila maticketan ang driver bangod wala sila sang mabasehan kun ano gid man ang natabo bangod ang ila lamang nakita amo ang reklamo sang complainant kag wala man sang may ginreport sa ila sang nagluntad ang insidente.
Kun basehan ang bahin sang complainant, reckless driving ukon arrogant driver ang makita nga violation sang BTAO apang ini ang subject for validation pa.
