Patay ang duha ka lalaki samtang isa ang pilason matapos nabunggo ang ila ginasakyan nga motorsiklo sa isa ka nakaparada nga cargo truck nga kargado sang tubo sa National Road sang Barangay Alangilanan, Manjuyod, Negros Oriental sang Pebrero 2, pasado ala-1:00 sang kaagahon.
Santo sa report sang Majuyod Municipal Police Station, lunsay mga residente sang Barangay Maaslum, Barangay Manjuyod ang mga biktima.
Santo sa report, ang driver ang magalikaw kuntani sa Early Warning Device (EWD) nga yara sa dalan, apang nadulaan ini sang kontrol sa iya nga motorsiklo kag nagdiretso sa likod nga bahin sang cargo truck.
Bangud sa impact, nakaagom sang patal nga samad ang mga sakay sang motorsiklo samtang gindeklarar naman nga dead on arrival ang driver kag ang 66-anyos nga back rider.
Ang isa ka pasahero ang yara pa subong sa ospital kag ginadapatan sang nagakaigo nga pagbulong.
Sa karon, padayon pa ang imbestigasyon sang mga kapulisan sa natabo nga insidente.
