Patay ang driver sang 10-wheeler Dump Truck matapos maaksidente sa Sitio Orang, Brgy. Kalamtukan, Bayawan City, Negros Oriental kapin alas-11:00 kagab-i.
Ang biktima ang natumod nga kasado, kag residente sang Brgy Cansilayan, Murcia, Negros Occidental.
Sa inisyal nga impormasyon, nabatun sang Bayawan City Police Station ang report paagi sa 911 hotline, kag nakaabot ang mga ini sa area alas-15:50 kaina sang kaagahon.
Ang dump truck ang Home World Construction, ang may karga nga aspalto.
Sa inisyal nga imbestigasyon, samtang nagadalagan sa dulhugon nga bahin sang National Road, wala nagkagat ang prino sang dump truck rasun nga nadulan sang kontrol ang driver tubtob nga natumba ang dump truck sa kilid sang dalan.
Nakaangkon sang mga samad ang driver, kag ini ang ginhingagaw man dala sa Kalumboyan Community Primary Hospital, apang ini ang gindeklarar nga dead on arrival.
Ang lugar sang insidente ang 30 kilometros pa gikan sa Bayawan City Police Station, samtang mahina man ang signal sa cellphone, gani nakaangkon sang kabudlayan sa komunikasyon kag koordinasyon.
