Wala pa makilala ang identity sang isa ka lalaki nga naaksidente kag napatay sa Bacolod-Silay Access Road sa Barangay Efegenio Lizares, Talisay City alas-10:00 kahapon sang aga.
Sa inisyal nga imbestigasyon sang Talisay City Police Station, ang biktima nga ginabanta yara sa 40 anyos, 5-foot-4 ang kataason, maniwang ang nagamaneho sang Honda XRM nga motorsiklo gikan sa Bacolod City kag padulong kuntani sa Talisay City.
Apang pagdangat sa nasambitan nga lugar, ang motorsiklo ang aksidente nga nabunggo sa gutter gani nadulaan sang kontrol ang driver kag natumba.
Ang biktima ang nag-angkon sang samad sa ulo kag lawas samtang ini ang ginhingagaw pa dala sa Talisay City Health Office apang ini ang gindeklarar na nga dead on arrival.
Sa karun wala pa natumod ang identity sang bangkay, samtang ini ang nakasuksok naman sang itom nga t-shirt kag gray nga shorts sang natabo ang aksidente.
Ang bangkay sang biktima ang gindala naman sa punerarya sa ciudad sang Bacolod samtang padayun pa ang imbestigasyon sang Talisay City Police Office natuhoy sa insidente kalakip na ang pagtumod sa identity sang biktima.
