Patay ang driver sang motorsiklo samtang pilason naman ang backrider matapos mabungguan sang truck sa Hacienda Guikay, Barangay Purisima, Manapla alas-4:00 kaina sang kaagahon.
Ang driver nga ginbawian sang kabuhi ang ginkilala nga si Rolando Moldes III alyas Robot nga bag-o lamang nakagradute sa kurso nga Criminology.
Sa inteview sang Bombo Radyo Bacolod kay Police Major Robelito Mariano, hepe sang Manapla Municipal Police Station, ang motorsiklo ang padulong sa Cadiz City samtang ang truck ang padulong naman sa Victorias City.
Sa imbestigasyon, natumod nga ang motorsiklo amo ang nagtabok sa lane sang truck nga nagazigzag ang dalagan, gani sila ang nabungguan.
Gindala pa sa ospital ang duha apang gindeklarar nga dead on arrival ang driver samtang padayun naman nga ginabulong ang backrider.
Sa karun yara sa kustodiya sang Manapla Municipal Police Station ang driver sang truck.
Wala paman natumod kun magapasaka sang kaso ang pamilya sang biktima bangod sila ang masako pa sa pag-asikaso sang bangkay.
