Patay ang driver sang motorsiklo matapos nga na-aksidente sa national highway sang Purok Cosmos, Barangay Calumangan, Bago City, Negros Occidental sang Hunyo 18 sang gab-i.
Ginkilala ang biktima nga si George Pinalva, 58-anyos, kasado kag residente sang Scorpio Street, Jr Torres Village, Barangay Singcang Airport, Bacolod City.
Sa interview sang Bombo Radyo Bacolod kay Police Lt. Col. Ariel Pico, Officer-in-Charge sang Bago City Police Station, ang biktima ang nakabunggo sa gutter sa national highway kag nakaangkon sang patal nga pilas.
Suno kay Pico ang samad sang biktima ang indi bangod sa impact sang pagkabunggo, sa baylo ini ang tuga sang siya ang nagtabog kag nalampos ang sag-ang sa sementado nga dalan.
Si Pinalva ang may helmet apang ini ang nakasuksok sa iya siko.
Ang biktima ang gindala sa Bago City Hospital apang gindeklarar nga dead on arrival.
Suno sa hepe, santo sa ila nga pagpamankot ang biktima ang may kadtuan lamang sa ciudad sang Bago.
Ginpahayag man sang anak sang biktima nga nagbonding ang amay sini sa mga himata sa Bago City kag nakainum man sang makahulubog nga ilimnon.
Dugang pa, ginpahayag man sang nakakita nga madasig ang pagpadalagan sang biktima sang motorsiklo kag ang lugar sang insidente ang takladon kag likuon.
Sabaylo nga magliko kag sundon ang banas sang highway nagderekta ang biktima nga nagresulta sang aksidente.
