Dead on the spot ang biktima nga lalaki matapos maaksidente sa ginamaneho sini nga motor sa dalan sa Barangay Vista Alegre kahapon sang hapon.
Sa interview sang Bombo Radyo kay Police Captain Andy Ofalia, hepe sang Bacolod Police Station 7, naggikan sa Vista Alegre ang biktima kag ini ang papauli na kun tani sa San Dionisio Brgy Granada.
Ang 51 anyos nga biktima yara sa impluwensya sang makahulubog nga ilimnon sang ini nagadala sang iya motorsiklo nga Rusi scooter kag bitbit pa sini ang isa ka manok.
Suno kay Ofalia, naglapaw sa dalan ang biktima kag sa pagkatumba sini nabunggo ang iya ulo sa bato.
May suksok man ini nga helmet apang manipis llang ini kag sa pagkabunggo sang iya ulo sa bato nagisi ang helmet pasulod sa iya ulo.
indi naman luyag sang pamilya sang biktima nga ipagwa ang pangalan sang ila himata.
