Patay ang driver sang motorsiklo matapos magbunggu-anay sa isa ka pickup truck sa Murcia-Mansilingan Road, Bacolod City alas-11:26 kagab-i.
Ang napatay ang ginkilala nga si Dave Vincent Porque, 21 anyos, single, residenye sang Purok Masinadyahon, Florence Ville, Brgy Pahanocoy, Bacolod City nga nagadala sang Raider 150 nga motorsiklo; samtang si alyas Carlos, residente sang Brgy. Mansilingan, Bacolod City naman ang nagadala sang Nissan Navarra.
Sa initial investigation sang Traffic Management Unit sang Bacolod City Police Office, madasig ang dalagan sang motorsiklo nga nagahusoy sa Murcia padulong sa Brgy Mansilingan, samtang sugata naman sini ang pickup truck nga padulong naman sa Murcia.
Wala na sang pulso si Porque nga nakasuksok lamang sang half-face helmet sang maabtan sang rescue team.
