Driver sang motorsiklo, patay matapos makabunggo sa dump truck sa ciudad sang Sagay
-- ADVERTISEMENT --

Gindeklarar nga dead on arrival sa ospital ang isa ka motor rider matapos aksidente nakabunggo sa dump truck sa bahin sang National Highway sakop sa Hacienda Ricky, Barangay Paraiso sa ciudad sang Sagay sang Nobyembre 14 sang gab-i.

Ginkilala ang driver sang motorsiklo kay alyas Joseph, 35-anyos, residente sang Brgy. Dian-ay sa ciudad sang Escalante, samtang ang driver sang dump truck ang ginkilala nga si Rudy, 48-anyos, residente sang Brgy. Pahanocoy sa ciudad sang Bacolod.

Sa inisyal nga imbestigasyon sang Sagay City Police Station, ang motorsiklo kag dump truck ang nagabiyahe sa pareho nga direksyon.

Gina-alegar madasig ang pagmaneho sang motorsiklo kag tuyo kuntani mag-overtake, apang ini ang nagbalik sa iya nga linya bangod may nakasugata ini; sa pagbalik ni Joseph sa linya, aksidente sini nakabunggo sa likod sang truck.

Bangud sa impact, natumba ang motorsiklo kag na-overshoot.

-- ADVERTISEMENT --

Nakaagom sang patal nga pilas sa ulo si Joseph nga nagresulta sang iya kamatayon.