Ginsuspendi sang Land Transportation Office ang lisensya sang driver sa makamamatay nga crash sa Ninoy Aquino International Airport.
Suno sa LTO, ginpapanaugan sini sang preventive suspension nga 90 ka adlaw ang driver’s license sang motorista sa likod sang makamamatay nga aksidente sa NAIA Terminal 1.
Sa idalum sang Anti-Drunk and Drugged Driving Act of 2013, ang mga drivers snag motor vehicles nga imbolbado sa mga aksidente nga nagresulta sa pagkapilas ukon kamatayon ang mangin subject sa chemical tests lakip na ang isa ka drug screening test kag kun kinahanglanon, isa ka drug confirmatory test agud madeterminar ang presensya ukon concentration sang alcohol, illegal nga druga ukon kaangay nga mga substances sa dugo ukon lawas.
Sa karun yara ang driver sa kustodiya sang mga kapulisan para sa imbestigasyon.
