Ginpablotter sang menor de edad nga dalagita ang isa ka taxi driver matapos nga ini ang ginmolestya samtang nagabyahe sa dalanon sa syudad sang Bacolod.
Viral sa karun sa social media ang turning Grade 11 student matapos nga ginpost sini ang mga malip-ot nga video clips kag litro sang paghimas sang driver sa iya nga hita samtang siya ang nagasakay sa shotgun seat sang taxi.
Ang dalagita ang nagpost sa social media sa tinutuyo nga maghatag sang awareness sa mga pasahero nga kababainhan nga likawan ang pagsakay katupad sa driver kun nagaisahanon lang sa taxi.
Ginsaysay sini nga Alas-2:00 sang hapon sang Agosto 10, siya ang nagsakay sa taxi agud makipagkita sa iya nga abyan.
Dugay pa sini nga sa umpisa maayo pa ang sugilanon nila sang katupad nga driver tubtob nga amat amat na nga nagalakat ang kamot sini.
Ginasaway man sini ang driver kag nagpamilit nga ini ang manaog na apang ini ang nagapadayun lang sa buluhaton.
Dugang pa sang dalagita nga ginpahog niya pa ang driver nga pulis ang iya nga amay apang kaangay nga wala ini sang kahadlok gani naghipos nalang ini kag nagtinguha nga makapalayo.
Sa video nga ginpost sang biktima, makita man nga samtang ginahambalan sini ang driver nga siya ang tomboy agud nga mag-untat ini, wala gihapon sini napunggan ang paghimas sang suspetsado sa iya nga hita.
Dugang pa sang dalagita nga sang siya ang makapanaog na, wala na sini nakuha pa ang plate number sang taxi bangod siya ang nagapangurog sa hitabo kag ang yara nalang sa pinsar sini amo nga makapadulong sa abyan.
Sa ulihi nga post sang dalagita, ginpahayag man sini nga may picture na siya kag facebook sang nasambit nga driver, apang ginpakamaayo sini nga indi na i-post sa social media.
Ang biktima ang nagpablotter sa Bacolod Police Station 4 kag naforward na ang kaso sa talatapan sang Violence Against Women’s and Children (VAWC) sa syudad sang Bacolod.
