Patay ang isa ka lalaki nga nagamaneho sang truck sang tubo sang ini ang masapwan sang mga residente sa Purok Madre Cacao, Barangay Sta Cruz, banwa sang Murcia, Negros Occidental.
Ginkilala ang biktima kay Rodillo Aroza, 48 anyos, kasado kag residente sang nasambit nga lugar.
Sa interview sang Bombo Radyo Bacolod kay Police Major Sherwin Fernandez, hepe sang Murcia Municipal Police Station, gindala na sang pamilya sini sa Rural Health Unit sa nasambit nga banwa ang biktima kun sa diin natukiban nga may yara ini sang pilas nga tuga sang pagpangluthang.
Suno kay Fernandez, nagresponde man ang imbestigador sa lugar nga ginluntaran sang aksidente.
Suno diri, sa inisyal nga imbestigasyon sang mga kapulisan sang nagapadulong ang truck hinali lang ini nga gintiro sang makapila ka beses sang wala makilal-an nga suspetsado.
Matapos nga natiruhan nakadalagan pa ang truck sang 15 metros antes ini nagdulog.
Narecover naman sang mga ini ang basiyo sang caliber 9mm sa lugar sang insidente.
Nakaagom naman sang pilas sa ulo kag dughan ang biktima nga ginalantaw rason sang kamatayon sini.
Sa karun wala pa matumod ang suspek kag motibo sa pagluthang-patay sa biktima.
