Wala pa nakapyansa ang duha ka drayber sang salakyan nga nakabunggo sa nurse nga nagabusong nga nagresulta sa kamatayon sini kag sang iya ginadala sa Purok Proper North, Barangay Taloc, Bago City, Negros Occidental, sang Domingo sang gab-i.
Madumduman nga nagtabok sa pedestrian lane ang nurse nga si Maria Angela Buendia, 36-anyos, anum ka bulan nga nagabusong kag residente sang nasambit nga lugar sang nabbunggoan ini sang Toyota Avanza Wagon nga ginamaneho ni Philip Jansen Cantiller, 30-anyos, residente sang Deca Homes Subdivision, Barangay Cabug, Bacolod City.
Nagtabog si Buendia sa pihak nga lane kun sa diin nalapakan ini sang Toyota Vios nga ginamaneho ni Salvador Castro, 59-anyos, residente sang Barangay Crossing Pulupandan, Pulupandan.
Bangod sa natabo, naggwa sa tiyan sang iloy ang anum ka bulan sini nga lapsag.
Sa interview sang Bombo Radyo kay Police Lt. Col. Ariel Pico, officer-in-charge sang Bago City Police Station, ginaproseso pa ang motion to reduce bail agud mapanuboan ang pyansa sang duha sa kaso nga Reckless Imprudence Resulting to Multiple Homicide.
Suno diri, madugay ang proseso bangod madamo sang ginarequire nga mga dokumento sa pagpyansa.
