Para kay political analyst Atty Jomax Ortiz emotional outburst lamang ang ginhimo ni Senator Imee Marcos nga pag-akusa sa iya utod nga si President Ferdinand Marcos Jr. kag First Lady Liza Araneta-Marcos sa paggamit sang illegal nga druga.
Sa interview sang Bombo Radyo kay Atty Jomax Ortiz, indi na mapunggan ang emosyon ni Senator Imee bangod halos tatlo ka tuig na sila nga wala nagabugnohanay sang presidente.
Suno diri, si Senator Imee ang nagpatunga nga mag-upod si Vice President Sara Duterte kay Presindent Bongbong sa 2022 elections.
Apang, sang nagdugay wala na sang lugar si Senator Imee sa inner circle sang iya utod amo nga naglain ang iya buot.
Bangod sini, sang Mayo, 2025 nga National and Local elections nag-upod na lamang siya sa mga Duterte.
Apang, nagapati si Ortiz nga matood ang ginbuyagyag sang Senador bangod siya mismo bilang utod nakahibalo sang nagakatabo sa presidente.
Samtang, kasunod sa rebelasyon ni Senator Imee, gintapos na sang Iglesia Ni Cristo ang kuntani tatlo ka adlaw nga rally batok sa korapsyon bangod ang natabo indi na makabig nga mangin kabahin sang religious rally.
Pahayag ni Ortiz, maayo man nga gin-reveal ni Senator Imee ang ginahimo sang iya utod agud mabungkag ang inner circle ni President Bongbong nga mga drug users man.
