Nadugangan sang duha ka barangay ang gindeklarar nga drug-cleared sa syudad sang Bacolod matapos ang ginpatigayon nga evaluation for continues drug clearing program sa Natures Village sa syudad sang Talisay, Negros Occidental kahapon.
Sa interview sang Bombo Radyo Bacolod kay Police Lt. Col Ariel Pico, tatlo ka barangay ang nag-apply sa Barangay Drug clearing apang duha lang ang nakasulod.
Ini ang ginalakipan sang Barangay 11, Barangay 25 kag Barangay 32 ang nag-apply apang ang Barangay 11 kag Barangay 25 lang nakasulod sa drug clearing.
Ang Barangay 32 ang napaslawan nga makapasar matapos nga wala sila nakapasar sa parameter bangud sa wala pa nakatapos sang Community Base Drug Rehabilitation Program (CBDRP) nga ginapatigayon sang city health kag ikaduha nga rason ang drug personality nga gindrug test apang nagpositibo liwat.
Sa karun dose pa lang ang nakapasar sa drug clearing.
Ginaamat-amat man nila pasa ang mga requisitos para sa drug clearing bangud 14 ka requirements ang ginapasa para sa deliberation sang Barangay Drug Clearing Operation.
Suno pa diri kun mahimo pa lang iapply na nila sa Barangay Drug Clearing Operation ang mga nabilin nga barangay agud madula ang term nga shabulized ang Bacolod apang gina-amat amatan na nila ini bangud nagadamo ang parameters.
