Natigayon nga madismantle sang Philippine Drug Enforcement Agency (PDEA) – Negros Island Region ang drug den sa Purok Pag-Asa, Brgy. Estefania, Bacolod City, Negros Occidental sang Biyernes, alas- 12:17 sang kaagahon.
Sa interview sang Bombo Radyo kay Agent Jan Keith Capili, spokesperson sang PDEA-NIR, nadakpan sanday alias “Edgar,” 54 anyos, nga nagtrabaho bilang meat vendor; 37 anyos, nagatrabaho bilang e-bike driver; kag alias “Peter,” 40 anyos; lunsay mga residente sang nasambit nga lugar.
Suno diri, nakumpiskar sa tatlo ang 19 ka heat-sealed transparent plastic sachets sang suspected shabu nga nagabug-at sang kapin 16 ka gramos kag nagabalor sang P108,800.
Pahayag ni Capili ginmonitor sang kapin isa ka bulan ang drug den kun sa diin didto ginpatigayon sang mga suspek ang transaction kag didto man nagapanago agud maggamit sang illegal nga druga.
