Nagpanawagan ang chairman of the board sang Drugstores Association of the Philippines sa mga pumuluyo nga magbakal lamang sang bulong sa mga otorisado nga drug outlets nga malapit sa ila lugar.
Sa interview sang Bombo Radyo Bacolod kay Jovelyn Blancaflor, ginpahayag sini nga ang bulong ang indi ordinaryo nga commodities gani wala ini ginabaligya sa bisan diin lang.
Suno kay Blancaflor dapat indi magbakal sang mga bulong sa indi rehistrado nga outlet magluwas sa botika.
Suno diri, antes pa man sang mando ni Department of the Interior and Local Government (DILG) Secretary Eduardo Anio, nagalibot na ang mga ini agud magtsekyar sang mga sari-sari stores sa probinsya sang Negros Occidental nga nagabaligya sang mga bulong kag nagapadala sila sang sulat sa LGU agud nga magenganyo sa paghimo sang ordinansa nga makaregulate sang mga ini.
Suno diri wala man sang malain nga magbaligya sang bulong sa indi botika apang dapat may yara sang permit nagikan sa Food and Drug Administration (FDA).
Suno diri sa idalom sang bag-o nga pharmacy law mahimo maka-apply sang permit agud nga makabaligyan sang mga bulong ilabi na ang yara sa mga malagyo nga lugar kag indi gilayon maka-access sa botika.
Apang nagpanugyan man sa mga konsumidor nga mahimo makatago sang bulong nga pananglit kinahanglanon may kuoton.
Suno pa diri ang paginum sang bulong ang may natalana nga oras gani mahimo gid makapadulong sa botika agud magbakal sini.
Ginpahayag man sini nga dapat sa registered pharmacy lamang magbakal sang bulong agud masiguro nga safe ini kag may ihibalo sa bulong ang ginabaklan bangud ang bulong ang makapaayo kun insakto ang paggamit kag makapatay kun sala ang paggamit.
