Ginkompirmar sang Provincial Division Schools Superitendent sang Department of Education-Division of Negros Occidental nga may yara sang patigayunon nga dry run sa face to face classes kadungan sang pag-approve ni President Rodrigo Duterte ang pilot implementation sang face-to-face classes sa pili nga mga eskwelahan sa mga low risk areas sa bilog nga bulan sang Enero sa masunod nga tuig.
Sa interview sang Bombo Radyo kay Marsette Sibalucca, wala na sa karun sang mga estudyante bangud nag-umpisa na ang ila Christmas vacation apang ang mga manunudlo ang nagapadayon in-set training tubtob sa Biyernes.
Suno kay Sabalucca, bulan pa lamang sang Nobyembre, ginpangayuan na sila sang Regional Director sang Department of Education Regional Office 6 sang proposal para sa patigayunon nga limited face to face classes.
Suno diri, ginasiguro nila nga preparado ang mga eskwelahan sa pagpatuman sang limitado nga face to face learning.
Antes pa man ang desisyon sang Presidente, madugay naman nga ginapamangkot sang iban nga mga ginikanan kun san o mabalik ang face-to-face learning bangud nabudlayan ang mga ini sa modular learning.
