Magapatigayon sang lima ka adlaw nga dry run sang electric jeepney sa Brgy. Vista Alegre diri sa ciudad sang Bacolod sumugod subong nga adlaw.
Maga-umpisa ang pagbyahe sang apat ka unit sang e-jeepney subong nga adlaw Mayo 15 tubtob sa Mayo 19, alas- 7:00 sang aga tubtob alas- 6:00 sang gab-i, kag ini ang libre.
Ang ruta sini amo ang relocation site sa Purok Arao padulong sa Burgos Public Market.
Sa interview sang Bombo Radyo kay Punong Barangay Leandro De Leon, ang dry run sang e-jeep sa barangay ang ginpangayo sang riding public nga gin-request sini sa Bacolod City government.
Apang, luyag sang punong barangay nga magbutang sang terminal para sa loading kag unloading sang pasahero agud nga diri naman makakuha sang pasahero ang mga tricycle drivers pasulod sa area.
Dugang pa sini, ang pumuluyo man ang magadesisyon kun bala maayo nga may yara sang nagabyahe nga e-jeep sa area ukon indi.
Samtang, on-hold pa ang pagpatigayon sang dry run sang apat man ka e-jeepney unit sa Brgy. Cabug.
