Nagpatigayon sang programa ang Department of Social Services and Development- Bacolod City para sa mga Persons with Disability sa ciudad kadungan sa pagselebrar sang international day for Persons with Disability.
Sa interview sang Bombo Radyo kay DSSD- Bacolod City Head Alma Gustilo, ang ini nga selebrasyon gina-obserbar sa bug-os nga kalibutan.
Suno diri, may yara sila sang mga aktibidad nga ginpatigayon lakip na ang pagpili sang ila King and Queen sa nagkalain-lain nga Barangay.
Ginhatagan man sang tsansa ang mga PWDs nga magpakita sang ila talento.
Pahayag ni Gustilo, padayon ang paggiyo sang DSSD agud mahatagan sang nagaka-igo nga programa ang mga PWDs nga halos adlaw-adlaw may ginapangatubang nga challenges sa ila pagpangabuhi.
Para kay Gustilo, madamo sa mga PWDs ang talentado kag maalam basta ginatudloan sang insakto.
