Nagpanawagan ang Department of Social Services and Development (DSSD) sa mga Barangay sa ciudad sang Bacolod nga ireport sa ila kun may yara sang mga badjao nga nagasulod sa ila lugar.
Suno kay DSSD Head Alma Gustilo, ginpasurveillance na sini ang mga areas nga masami ginatiniran sang mga badjao kag kun may yara sang nagasaka sa mga public utility vehicle agud maghatag sang sobre para sudlan sang kwarta.
Suno diri, kun madamo ang mga badjao, sila ang tiponon kag iprocess nga ibalik papauli sa tagsa nila nga lugar.
Nagapangayo ini sa karun sang kooperasyon sang tagsa ka mga Brgy sa ciudad para mareport sa opisina sang DSSD kun may badjao nga magsulod sa ila lugar.
Apang, aminado man si Gustilo nga kun kaisa mabudlay dakpon ang mga badjao bangod nakakilala ang mga ini sang opisyales sang gobyerno kag amo nga madasig man sila malagyo kag manago dugang pa nga may report nga nagarenta ang mga ini sang balay sa ciudad sang Bacolod nga ila ginapulian kun gab-i.
