Gin-athag sang pinuno sang Department of Social Services and Development sang Bacolod nga panggarnish lamang ang itlog sa main dish sang mga COVID positive nga nagatinir sa quarantine facilities, baliskad sa ginpost sang COVID patient tinalikdan nga adlaw.
Sa interview sang Bombo Radyo Bacolod kay Pacita Tero, ginpahayag sini nga apisar nga dako ang pondo nga ginpain sang syudad apang nagaoperate sila sa manubo nga budget.
Suno kay Tero, P50 ang budget per meal ang kag nalakip na ang inugbakal sang styropor kag utensils nga ginagamit nila.
Apang sa pihak nga P50 ang budget per meal, ginasiguro sang mga daycare workers nga makaserve sang balanced diet meal.
Ginpahayag man sini nga bangud sa ginpakita nila nga pagserbisyo, may mga nakapauli na halin sa quarantine centers nga nagabalik agud magpasalamat sa ila.
Suno diri, ang mga day care workers nga nagaluto sang pagkaon sang mga pasyente sa 11 ka mga quarantine centers ang nakapoy man apang ginasiguro sa gihapon nga makahatag sang serbisyo sa pihak nga ginabilin ang pamilya kag kabataan bangud kaagahon pa ang mga ini nagalakat agud magluto sang pagkaon sang mga pasyente.
Suno kay Tero, ginahatagan man nila sang kahigayunan ang mga pasyente nga makarequest sang luyag nila kag ginatinguhaan man sang DSSD nga mahatag.
