Gin-athag sang pinuno sang Department of Social Services and Development nga nagikan sa ciudad sang Victorias kag Sagay ang mga badjao nga nagapangayo-kayo subong sa ciudad sang Bacolod.
Sa interview sang Bombo Radyo Bacolod kay Pacita Tero, DSSD head, ginpahayag sini nga yara na sa Omar, Jolo, Sulu ang mga badjao nagikan sa Bacolod City matapos sila ginpapauli sadtong nagliligad nga mga binulan.
Suno kay Tero, ang makit-an subong nga mga badjao sa ciudad ang kalabanan naghalin sa Victorias City kag Sagay City.
Suno sa iya, may yara sang 93 ka mga badjao karon nagikan sa Victorias.
Masami ang mga ini nagapadulong sa Bacolod kun adlaw agud magpangayo-kayo kag nagapauli man sila kun hapon.
Ginatinguhaan naman sang probinsya nga mafacilitate nga mapapauli ang mga ini sa Mindanao.
Posible suno kay Tero nga padayon pa ang pagpakig-angot sang provincial government sa Office of the Civil Defense (OCD).
