Ginahulat pa sang opisina sang Department of Social Services and Development (DSSD) sang Bacolod ang guidelines sa ayuda nga ihatag sang Department of Social Welfare and Development (DSWD) sa ciudad sa idalom sang Bayanihan 2 ukon Bayanihan to Recover as One Act.
Madumduman nga sa idalom sang Bayanihan 2, ang layi ang ginpirmahan sang Presidente sang tinalikdan nga semana, kapin P6 billion ang ginpain nga pondo para sa programa sang Department of Social Welfare and Development (DSWD).
Sa interview sang Bombo Radyo Bacolod kay DSSD head Pacita Tero, wala pa siya makahibalo sang implementing rules and regulations sang programa sa idalom sang Bayanihan 2.
Hulaton na lamang sini ang IRR agud mapatuman ini.
Nahibaluan nga ginpasalamatan ni Bacolod City Lone District Congressman Greg Gasataya si DSWD Secretary Rolando Bautista sa pagsabat sa request sini nga malakip ang ciudad sang Bacolod sa mahatagan sang Emergency Subsidy.
