Nagapanawagan ang officer-in-charge sang Department of Social Services and Development sang Bacolod City sa mga ginaarkilahan sang mga Badjao nga indi sila pagpatiniron bilang kabahin sang Limpyo Badjao Operation sa ciudad.
Suno kay DSSD OIC Sally Abelarde, ang Anti-Mendicancy amu ang responsable sa pagcater sa mga Badjao kag nahisugtan nga may patigayunon nga Operation Limpyo Badjao.
Suno diri, may mga sites na sila nga na-identify kun sa diin magaroving ang staff para sa advocacy kag magahingyo sa publiko nga indi lamang maghatag sa mga ini.
Suno sa iya, nagabalik sa ciudad ang mga Badjao bangud nagapati sila nga mabuot kag nagahatag ang mga Bacolodnon.
Suno kay Abelarde, maayo man ini kuntani apang ini ang bayolasyon sa ordinansa nga Anti-Mendicancy.
Dugang pa sini nga kuntani indi na pagpahanugutan ang mga ini nga magtinir sa ila mga ginarentahan agud indi sila maengganyo nga magtinir sa ciudad.
Natalana sila nga magpatigayon sang rekorida bilang kabahin sang ila advocacy kag maga-appoint sang spokesperson nga amu ang maga-advocate sini.
Samtang, pagatsekyaron pa kun tukuran sang half way house ang mga ini bangud igakonsiderar pa ang dynamics kun sa diin masami nga malapit sa dagat sila nagapuyo.
