Masobra P3.6 million nga balor sang assistance ang nadul-ong na sa mga pamilya nga apektado sang Typhoon Aghon.
Sa statement sang Department of Social Welfare and Development, masobra 36,549 ka pamilya ukon 128,511 sa masobra 773 ka mga barangay sa National Capital Region (NCR) kag sa mga rehiyon sang Ilocos, Central Luzon, CALABARZON, MIMAROPA, Bicol, Western Visayas, Central Visayas, kag Eastern Visayas.
Kabug-usan nga 57 ka mga evacuation centers sa NCR kag CALABARZON ang ginatiniran sang 652 ka apektado nga pamilya ukon 2,321 ka mga indibidwal.
Suno kay DSWD spokesperson Assistant Secretary Irene Dumlao, ang DSWD, paagi sa mga field offices sini ang nakahatag na sang assistance.
Nagapadayon naman ang pagpanagtag sang mga family food packs sa mga apektado nga pamilya.
Kabug-usan nga P2.8 billion nga pondo ang nagapabilin nga nakastandby agud nga maghatag sang suporta sa mga kinahanglanon sang mga biktima sang Aghon.
