Ginpasiguro sang pamunuan sang Department of Social Welfare and Development (DSWD) nga may yara sang nagakaigo nga pondo ang ahensya para sa bulig nga ipanagtag sa mga pumuluyo sa idalom sang nagkalain-lain nga programa.
Kahapon, nagpadulong sa ciudad sang Bacolod si DSWD Secretary Rex Gatchalian agud nga pangunahan ang national launch sang digital payout sang Unified Package for Livelihoods, Industry, Food and Transport (UPLIFT) sa ciudad sang Bacolod para sa initial batch sang beneficiaries sa highly urbanized city.
Matapos ang programa sa Bacolod City nagpadulong man ini sa probinsya sang Negros Occidental para sa activity nga Bayani Ka: Tatak KALAHI-CIDSS (Kapit-Bisig Laban sa Kahirapan-Comprehensive and Integrated Delivery of Social Services), Local Government Unit Award kag launching sang Performance Grant Base For Sustainability.
Ang programa ang gintambungan sang mga tiglawas sang regional offices sang DSWD gikan sa 16 ka mga rehiyon.
Sa ginpatigayon nga seremonya may mga ginpanghatagan sang award nga mga social workers, mga LGUs kag iban pa.
Sa pahayag ni Gatchalian, ang ahensya ang madamo sang mga programa agud nga mabuligan ang mga nagakinahanglan nga mga pumuluyo kaangay lamang sang AICS, UPLIFT, 4PS, Walang Gutom kag sa RSSI.
Kun may mga naapektuhan sang Red-Striped Soft Scale Insect (RSSI) sa Visayas, apektado naman sang Bagyo ang Luzon nga sa karun padayon man ang pagpanagtag sang cash aids mga naapektuhan.
Suno kay Gatchalian ang ahensya ang may nagakaigo nga pondo kag makaigo pa pananglitan nga may maapektuhan kun magluntad ang Super El Niño.
Suno diri, halos dululungan ang pagpanagtag sang ayuda gani ginpasiguro ni Gatchalian nga ang ahensya ang may yara sang nagakaigo para sa mga programa.
