DSWD, preparado sa relief efforts sa mga lugar nga apektado sang Bagyo Pepito

Preparado ang Department of Social Welfare and Development (DSWD) nga magpalab-ot sang relief efforts sa mga areas nga naapektuhan sang Bagyo Pepito.

Ginamonitor sa karun sang DSWD ang pila ka mga areas kag magahatag sang food packages sa apektado nga mga residente suno kay DSWD Spokesperson Asec. Irene Dumlao.

Suno naman sa National Disaster Risk Reduction and Management Council (NDRRMC), kapin P45 million na nga balor sang assistance ang napanagtag sa apektado nga mga residente.

11 ka mga ciudad kag munisipalidad ang ginpaidalum sa state of calamity, walo ang nagikan sa Cagayan Valley, duha nagikan sa CAR kag isa sa Central Luzon.