Gin-anunsyo sang Department of Trade and Industry (DTI) nga magapabilin nga estable ang presyo sang mga nagapanguna nga balaklon tubtob sa ikaduha nga semana sang Abril.
Ini ang gin-athag sang DTI matapos maggwa ang report nga posible magsaka ang presyo sang mga produkto nga mabakal sa mga supermarket sumugod sa Abril 1 bangud sang nagapadayon nga tensyon sa Middle East.
Suno kay Trade Secretary Cristina Roque, wala pa sang na-monitor ang ahensya nga pagsaka sa presyo sang basic necessities kag prime commodities.
Suno kay Roque wala sang pagsaka sa presyo sang 205 stock keeping units (SKUs) nga ginabaligya sa supermarkets, groceries, kag online platforms.
Ginpasalig sini nga wala sang price increase sa nasambit nga mga produkto tubtob sa Abril 16.
