Nagpanawagan ang Department of Trade and Industry (DTI) nga mangin vigilante nga consumer kag maggamit sang cash on delivery nga mode of payment agud mapahilayo sa mga scammers, ilabi na sa e-commerce ukon online business.
Sa interview sang Bombo Radyo kay DTI Negros Occidental provincial director Rachel Nufable, mabudlay magverify sang business details sang supplier ukon seller kun ginapadala lang ini sa chat message.
Kun diri man lang sa Bacolod ang supplier suno kay Nufable, mas maayo nga makigkita diri ukon ivideo conference ini agud makapangusisa.
Kun wala naman nag-abot ang order suno sa DTI official, magsugod na sa pagduda kag indi mag-order liwat samtang wala sang delivery.
Suno kay Nufable, ang cash on delivery ang safest mode of payment bangud masiguro nga nabaton ang items antes magdaho sang bayad.
Suno sa DTI official, kinahanglan gid nga mangin vigilante kag mahinalungon ilabi na kun dako nga kantidad sang kwarta ang involved agud indi mauyang ang hard-earned money.
