Ginpasiguro ni Department of Trade and Industry (DTI) Sec. Ma. Cristina Roque nga wala sang matabo nga pagsaka sa presyo sang mga nagapanguna nga balaklon antes matapos ang tuig.
Sakop sini ang presyo sang basic kag prime commodities sa bug-os nga pungsod.
Paathag sang tiglikom naayo sini ang tanan nga mga producer kag manufacturer nga ipabilin anay sa karun ang presyo sang ila nga mga ginabaligya ukon mga produkto.
Nagpangako ang mga ini nga wala sang matabo nga pagsaka sa presyo antes matapos ang tuig
Gin-emphasize sang tiglikom nga maayo ini nga senyales bangud may yara sang maayo nga kooperasyon sa tunga sang mga negosyante kag mga consumer.
Paathag ni Roque, nagabuligay ang kada isa agud nga mahatag ang husto nga presyo sa mga consumer nga wala ginasakripisyo ang kalidad sang mga produkto.
