Nagahulat pa ang Department of Trade and Industry Negros Occidental sang mando nagikan sa head office kun paano imonitor kag iconfiscate ang hampangan nga “lato-lato”.
Sang damlag lang, nagpagwa sang statement ang DTI nga dapat untaton na ang pagbaligya sang popular nga hampangan nga “lato-lato” bangod ini ang wala pa nakasecure sang nagakaigo nga documentation gikan sa nagakaigo nga ahensya sang gobyerno.
Ini bangud nga ang Food and Drug Administration (FDA) ang wala pa naka-issue sang certificate of product notification (CPN) sa “lato-lato”.
Suno kay Romel Amihan, Consumer Protection Unit Head sang DTI Negros Occidental, wala pa sila sang may nabaton nga guidelines ukon instruction nagikan sa head office kun paano magmonitor kag magconfiscate sang nasambit nga hampanganan kasubong man sang reklamo nagikan sa mga ginikanan sa Negros.
Suno sa iya, iya ini sang Food and Drug Administration kag magabulig lamang ang DTI diri.
Ginpahayag naman sang Public Information Officer sang Department of Education Region 6 nga kun wala man lang sang dako nga epekto sa mga eskwelahan kag wala man lang nagadisturbo sa klase, wala gid sang problema sa paghampang sang “lato-lato.”
Suno kay Hernani Escullar Jr., may yara sang otoridad ang mga school heads sa pag-implementar sang necessary measures agud malikawan ang distraction sa klase.
Apang sa karun, wala sang DepEd order ukon memorandum nga nagadumili sa paghampang sang mga kabataan sang “lato-lato.”
Kun may yara sang ipapanaog nga mando ang DepEd, sila ang maga-abide naman.
Suno kay Escullar, kun ang paghampang sini ang makabulig sa mental health kag sa pagde-stress sang mga estudyante, wala ini sang may nagakakita nga problema.
