Gin-athag sang Department of Trade and Industry official nga masobra 60 lamang ka prime kag basic commodities ang ginpasakaan ang Suggested Retail Price (SRP) gani may-ara pa sang iban nga choices kun luyag sang mas barato.
Sa interview sang Bombo Radyo Bacolod kay Agaton Teodoro Ubero, Assistant Secretary and Supervising head sang DTI – Fair Trade Group, may-ara sang 217 items nga nagrequest nga mapasakaan ang SRP apang masobra 60 lamang ang na-aprubahan.
Suno diri, tinuig naman ang iban nga nagarequest ang iban nga mga manufacturers ilabi na nga nagmahal ang ila mga raw materials.
Kalakip sa mga ginpasaka ang SRP ang gatas, sardinas, asin, battery, cup noodles, kape, tinapay kag madamo sang iban pa.
Apang paathag ni Ubero nga ang implementasyon ang depende sa brand sang produkto gani ang iban nga kaangay nga items ang wala sang pagbag-o sa presyo.
Dugang pa sini nga indi man tuman ka dako ang pagsaka sa presyo.
Panugyan sini nga kun luyag sang mas barato nga presyo, magpili na lamang sang lain nga brand sang ginapangita nga produkto.
