Nagpanguna si Dubai-based Filipino Designer Michael Cinco sa mga pangalan nga napili nga mangin judge sa 73rd Miss Universe Pageant.
Patigayunon ang Coronation Night sa maabot nga Nobyembre 17 sa CDMX, Mexico City.
Makaupod ni Cinco sanday Miss Universe Canada 2020 Nova Stevens; Colombian Actress, Singer, and Songwriter Fariana; renowned Philanthropist, Dentist, and Entrepreneur Camila Guiribitey; Entrepreneur Gianluca Vacchi; Telemundo Host Jessica Carrillo; Miss Universe 1978 Margaret Gardiner sang South Africa; Fashion Designer Eva Cavalli; renowned Brazilian Artist Romero Britto; “King Of Latin Music” Emilio Estefan; kag Digital Entertainment Star Lele Pons.
Ginpasalamatan sang Filipino Designer paagi sa social media sini ang organizers sang Miss Universe bangud sa pagpili sa iya nga mangin judge.
Madumduman nga napili nga pambato sang pungsod si Chelsea Manalo nga isa sa mga paborito nga magdaog subong nga tuig.
