-- ADVERTISEMENT --
Ginalauman nga matigayon ang 10 Megaliters per day (MLD) additional water supply sa first kag second quarter sang tuig 2025.
Suno kay BACIWA General-Manager Mona Dia Jardin, 100 MLD ang kinahanglan sang ciudad agud mahatagan sang sufficient nga supply sang tubig ang mga pumuluyo.
Sa karun yara na sa 84 MLD ang ginasupply sa ciudad kag kun matigayon ang dugang nga 10 MLD, may 94 MLD na nga water supply.
Ang 10 MLD ang plano nga kuhaon sa Murcia river nga sarang makasupply sa sur nga bahin sang ciudad ilabi na sa Brgy Mansilingan, Handumanan, Felisa, kag Alijis.
Samtang, may yara pa sang ginaproseso nga dugang nga 6 MLD water supply nga kuhaon naman sa Matab-ang river nga sarang makasupply sa norte nga bahin sang Bacolod.
-- ADVERTISEMENT --
