Ginpasakaan sang Criminal Investigation and Detection Group (CIDG) Bacolod sang kaso ang isa ka Barangay Kagawad kag tatlo ka mga liaison officers sang Barangay Felisa, Bacolod City kahapon bangud sa anomaliya sang Social Amelioration Program ukon SAP cash assistance distribution.
Ang kaso nga ginpasaka ang ginlakipan sang paglapas sa RA 3019 ukon Anti-Graft And Corrupt Practices Act; Ra 6713 An Act Establishing A Code Of Conduct And Ethical Standards. For Public Officials And Employees, To Uphold The Time-Honored; kag RA 11469 ukon Bayanihan to Heal as One Act.
Ang mga ginkasuhan amo sanday Joji Agbas, Incumbent Barangay Kagawad; Marisa Senarillos, Shiela Heponia kag Beverly Bayot kag lunsay mga Liaison Officer sang Barangay Felisa.
Ginpasaka sang CIDG-Bacolod ang kaso matapos mapamatud-an ang nagluntad nga anomaliya bangud man sa video nga nakuha sang pagpanagtaganay nga ang kagawad mismo ang nagafacilitate sa pagbuhin sang cash grant sang mga beneficiaries.
