Ginkumpirmar ni Bacolod City Mayor Evelio “Bing” Leonardia nga nadugangan sang lima ang kumpirmado nga kaso sang coronavirus disease 2019 sa ciudad sang Bacolod.
Ini ang iya gin-anunsyar kadungan sang selebrasyon sang 82nd Charter Day Anniversary kahapon.
Suno kay Leonardia, apat sa mga nagpositibo amo ang mga repatriated overseas Filipino workers samtang isa naman ang locally stranded individual nagikan sa Metro Manila.
Si Bacolod Patient No. 23 ang isa 38-anyos nga babayi kag isa ka LSI nagikan sa Manila kag nag-abot sa ciudad sang Mayo 26; Bacolod Patient No. 24 ang isa ka 40-anyos nga lalaki kag repatriated OFW nagikan sa Kingdom of Saudi Arabia; Bacolod Patient No. 25 nga isa ka 38-anyos nga babayi nga repatriated OFW nagikan sa Kuwait; Bacolod Patient No. 26 nga isa ka 35-anyos nga lalaki nga repatriated seafarer nagukan sa United Kingdom kag si Bacolod Patient No. 27 naman ang isa ka 37-anyos nga lakaki kag isa ka repatriated OFW nagikan sa Kingdom of Saudi Arabia.
Suno sa alkalde, sa 27 COVID cases sa ciudad, 61% diri ukon 13 ang repatriated OFWs kag tatlo ang LSIs samtang 39% naman ukon 11 ang mga local cases.
Samtang, isa naman 30-anyos nga lalaki kag residente sang Hinigaran ang nagdugang sa kaso sang coronavirus sa probinsya sang Negros Occidental.
Isa ini ka LSI nagikan sa Cebu kag yara karon sa quarantine facity.
Sa kabug-usan, may yara na sang 28 ka mga kaso sang COVID-19 sa probinsya kun sa din 25 amo ang mga repatriated OFWs kag LSIs kag tatlo naman ang local cases.
