Padayon sa gihapon ang pag-implementar sang search warrant sa HDJ Tolong Corporation sa Barangay Caranoche, Sta.Catalina, Negros Oriental nga ginapanag-iyahan ni former Negros Oriental Governor Pryde Henry Teves.
Sa interview sang Bombo Radyo kay Major Cenon Pancito III, spokesperson sang Special Joint Task Force Negros, sa pagrecover sang ginatos ka high powered firearms, ammunitions, kag explosives ilabi na ang mga dokyumento sang mga suspetsado nga may kaangtanan sa Degamo assassination ang isa ka dako nga ebidensya.
Suno diri, ang mga nakuha nga mga item kaangay sang ginsunog nga bayo kag pagkabutang nga ginapanag-iyahan sang mga suspetsado nga suno kay Pancito makita sa gilayon nga sanday Calibjo Javier kag Osmundo Rojas Rivero ang maka-agi nga nagtinir didto sa HDJ Tolong Compound.
Dugang pa sini ang pagsunog sa mga item ang nagapakita lamang nga tuyo sang mga ini nga taguon agud madeny ang mga alegasyon kag malubong ang krimen.
Para kay Pancito, wala lamang natapos sa pulo ka suspetsado nga na-account na ang ila trabaho kundi padayon pa nga ginahibalo kun sin-o ang mastermind.
Ginakabig sini nga dako ang papel sang mga narecover nga mga ebidensya para sa imbistigasyon.
Samtang, padayon sa gihapon ang imbestigasyon sa ginalantaw nga may koordinasyon ang mag-utod nga sanday former governor Pryde Henry Teves kag 3 rd District Representative Arnolfo Teves sa mga New Poeple’s Army.
Suno kay Pancito, padayon sa gihapon ang imbestigasyon kun suportado sang Teves ang NPA ukon vice versa.
Apang suno kay Pancito bangod sa mga high powered firearms kag improvised explosives nga nakumpiskar kinahanglan ini hatagan sang husto nga security force nga maga-atubang sa mga indibidwal nga mahimo makabuo sang private armed groups.
