Nagapati ang pinuno sang Bacolod Traffic Authority Office nga ang mga motorista sa ciudad sang Bacolod ang mga disiplinado.
Sa interview sang Bombo Radyo Bacolod kay Patrick Lacson, ang mga motorista ang masunod lamang sang mga traffic signages.
Suno kay Lacson, ang traffic signages ang napropose na kag nagpasugot naman ang alkalde sang ciudad nga magabutang sini sa ciudad.
Sa experiment nga ila nga ginhimo, nagbutang sila sang no left turn sa 25th 26th 27th Lacson St kag didto nila nakita nga ginsunod sang mga motorista.
Suno kay Lacson, sa tion nga mabutangan sang mga traffic signages sundon lamang ini sang mga motorista kag ginalantaw nga ini ang makatuga man sang positibo nga outcome agud nga masolusyunan ang problema sa trapiko sa ciudad sang Bacolod.
Samtang, plano man sini nga magpatigayon sang pageducate sang mga motorista angot sa traffic rules sa ciudad agud nga makatuga sang public awareness kag mapahagan-hagan ang mga traffic violators.
