May nag-abot naman nga mga repatriated OFWs nagikan sa Cebu City kahapon.
Suno sa Public Information Office sang Negros Occidental, ang dugang nga batch sang repatriated OFWs nagikan sa Cebu ang nag-abot sa Escalante City kahapon.
Walo sa ila ang residente sang Negros Occidental.
Gindala man ini sa ciudad sang Bacolod para sa medical check up kag RT-PCR testing.
May dugang man nga nag-abot nga mga Negrense OFW sakay sa Air Asia sweeper flight kahapon sang hapon.
Ang 18 ka mga repatriated OFWs ang gindala sa Westown hotel para sa processing kag RT PCR testing.
Sang Sabado sag gab-i, 24 ka repatriated OFWs nga Negrense ang nag-abot sa Bacolod-Silay Airport paagi sa C130 plane sang Philippine Air Force.
Ang nasambit nga flight ang gin-arrange sang national inter-agency task force santo sa mandu ni Presidente Rodrigo Duterte.
Gilayon man sila nga gindala sa processing facility sang Negros Occidental.
