Nagpanawagan ang mga labour groups sang dugang nga P150 sa daily wage sang mga mamumugon.
Kahapon pila ka mga labour groups ang nagpatigayon sang labour day rally sa Araneta Street, Bacolod City.
Sa interview sang Bombo Radyo kay Former Bayan Muna partylist rep. Ferdinand Gaite, nagpanawagan ini sa gobyerno nga hatagan sang pagtamod ang problema sa sector sang mga mamumugon sa Pilipinas ilabi na sa sector sang agrikultura.
Suno diri, ang sweldo ang dapat nga nakasanto sa magasto sa pagpangabuhi, bangod nga ang living wage ang tuman ka layo sa sweldo nga mabaton sang mga mamumugon.
Panawagan sini amo nga mahimo nga kapin sa P33,000 ang mabaton nga sweldo sang government employees kada bulan.
Suportado man sini ang panawagan sang mga manunudlo kag mga health workers kag iban pa nga makabaton sang P50,000 nga sweldo kada bulan.
Kasunod sa pagselebrar sang ika 122nd Labour day kahapon, sila nagpatigayon sang rally nga may tema nga “Dagdag sahod isabatas 150 pataas”.
