All set na ang Bombo Radyo Bacolod kag Star FM para sa pagpatigayon sang “Dugong Bombo 2023: A little pain, a life to gain” blood letting activity.
Ini pinaagi sa partnership sang Bombo Radyo Philippines kag Bombo Radyo Phil. Foundation Incorporated, in coordination sa Philippine Red Cross, nga patigayunon sang dululungan sang mga Bombo Radyo kag Star FM stations nationwide.
Gab-i pa lamang, preparado na ang tanan sa venue sa City Mall Mandalagan, kag mga volunteers kag blood donors na lamang ang kulang para sa aktibidad nga maga-umpisa alas-8:00 subong nga aga tubtob alas-5:00 sa hapon.
Pahanumdom ni Vina Jane Montero, Donor Recruitment Officer sang Philippine Red Cross Negros Occidental – Bacolod City Chapter, sa screening dapat nga idisclose kun ang mga donors ang nagsuprer sang ubo, hilanat ukon may pilas sa lawas.
Indi man makadonar ang mga nakabatun sang medication partikular na sang antiboitics ukon mga nakapabakuna sa sulod sang isa ka bulan antes ang blood donation.
Apang pasalig sini nga sarang lamang makadonar ang mga naga-inom sang maintenance sa high blood magluwas lamang sa mga nagatake sang aspirin.
Indi man makuhaan sang dugo kun magtaas ang blood pressure sa tion sang blood donation activity.
Panawagan man sini nga mag-inom sang madamo nga tubig kag indi magkaon sang fatty foods antes kag matapos ang pagdonar sang dugo.
Gina-agda man sini ang tanan sa Negros Occidental nga magpartisipar sa Dugong Bombo bloodletting activity nga pamaagi agud makasalbar sang kabuhi.
