Nagdangat sa 94,050 cubic centimter ka dugo ang nalikom sa “Dugong Bombo 2024: A Little Pain, A Life to Gain” blood letting activity sang Bombo Radyo Philippines in partnership sa Philippine Red Cross.
Sa interview sang Bombo Radyo kay Mary Joyce Louise Rebadomia, donor recruitment officer sang Red Cross Bacolod City- Negros Occidental Chapter, 209 tanan ang succesful donors sa ginpatigayon nga blood letting activity.
Dako ang pagpasalamat sini sa tanan nga nagdonate sang dugo kun sa diin indi lamang sa ciudad sang Bacolod ginpatigayon ang Dugong Bombo apang natigayon ini sa bug-os nga Pilipinas.
Suno kay Rebadomia, bangod sa madamo nga donors, madamo man sang mabuligan nga tawo.
Sa karun padayon nga nagasaka ang numero sang blood donors apang wala sila naga-untat sa ila nga adbokasiya bangod nga wala man untat ang pagkinahanglan sang dugo.
Pahayag sini, may yara man sang wala naqualify bangod nga kulang sa tulog, may gina-inom nga antibiotic, gina-ubo kag sip-on, na-highblood, kag underweight.
Kasunod sa maid-id nga screening sang Red Cross, napili ang qualified nga makadonar agud nga sigurado kag safe ang dugo nga mabaton sang nagakinahanglan.
Mensahe ni Rebadomia, ang gamay nga sakit nga mabatyagan ang dako na nga bulig sa iban
