Nagdangat na sa 211 ang successful blood donors, katumbas sang 94,950cc sang dugo sa “Dugong Bombo 2024: A Little Pain, A Life to Gain” blood letting activity sang Bombo Radyo Philippines in partnership sa Philippine Red Cross.
Antes paman magbukas ang City Mall Mandalagan, may mga donors na nga nagahulat agud makaparehistro.
May mga nakahanda man nga pamahaw kasubong man libre nga Dugong Bombo T-shirt para sa mga successful blood donors
Ang registration period ang nag-umpisa alas-8:00 kaina sang aga kag nagtakop alas-5:00 subong nga hapon.
Ginapasalamatan man ang management sang City Mall Mandalagan nga nagpahulam sang venue para sa tuigan nga aktibidad.
Kasubong man ang tanan nga uniformed personnel, eskwelahan, private groups kag ordinaryo nga pumuluyo nga nagsabat sang panawagan sa pagdonar sang dugo.
Pinaagi sa programa, sarang nga mangin baganihan kag makapalawig sang kabuhi sang nagakinahanglan nga pasyente.
